[忽然一周666期]妈咪姐手记 曾华倩、郭羡妮斗冧高层
忽然一周 第666期 2008-05-02
曾華倩隔住張吉櫈，烏晒身同梁家樹（中）、陳志雲（右）傾偈，梁見佢傾得咁辛苦，終忍唔住叫曾坐埋啲。
呢邊廂阿佘、楊思琦狹路相逢，嗰邊廂嘅曾華倩同郭羨妮就鬥冧高層。話說《古靈精探》周二（4月29日）舉行慶功宴。套劇收得，最開心嘅首推郭羨妮，當日齊往玉珠峰峯洗底三雄，梁榮忠、崔建邦翻身無力，惟獨郭羨妮成功洗底，當然開心到痹。當晚佢就以一襲鮮紅低胸碎花裙到場，一見到戲劇製作總監梁家樹，立即飛撲上前，兩隻手捉實梁嘅右手足足成分鐘都唔捨得放。
成功同兩大高層坐埋一齊兼合照，曾華倩飲得杯落。
行遲一步嘅郭羨妮，只可以坐喺陳志雲對面，真係蝕晒章。
好在識補飛，搵到機會同梁家樹傾偈，仲雙手捉實人哋隻手唔放。
不過一山還有一山高，除郭羨妮外，憑《古》復出成功嘅曾華倩亦唔輸蝕，本來同梁家樹、陳志雲隔一個位坐，但佢就隔住個位同梁傾到雞啄唔斷，傾吓傾吓就獲邀坐過去梁隔籬，咁又得米。
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6702155