[忽然一周664期]娱乐顶点 足本剧情逐格睇 安仔小仪爆《古》结局
忽然一周 第664期 2008-04-18
囝囝一出世即帶挈老豆抓錢，難怪係人都話腳頭好。
安仔與小儀豎晒手指，叫觀眾等住睇續集。只要觀眾睇得開心，佢生完死，死完又翻生都冇所謂。
呀！
安仔為救郭羨妮，被兩架車差點夾扁，以為大命走得甩，誰知……
郭晉安呢期旺丁又旺財，除主演的《古靈精探》最高收視有38點外，食慣腦的安仔最近更幫「生寶臍帶血庫」做代言人，囝囝豬仔錢罌又儲多幾十萬。由於《古》劇收視高企，就連大結局亦要順應民意，加插新結局，令安仔飾演的于sir死而復生。
大難不死，安仔坦言因小儀打救。「小儀喺劇里面都有忠告我唔好同madam刑一齊，我唔信邪，結果咪被Bobby（歐陽震華飾演）揸的貨車撞，好彩後來小儀用法力將時間倒流，我o的伙記又夾手夾腳阻住Bobby撞我，我先唔使死咋！」
其實今次安仔死唔去，據小儀透露背後還有一重要原因。「監製話套劇收得，打算原班人馬拍續集，難得搵到個男主角高我唔係好多，依家仲有機會添食，我都要多謝監製啦！」
死過翻生
安仔所演的于sir，剛與晶晶（郭羨妮）影完婚紗相，出門口就因為救晶晶被車撞到飛起，最後傷重不治。一年後晶晶拖住個女拜老豆，為救于sir，小鬼小儀玩時光倒流，施計拖延司機齊歡暢（歐陽震華在《賭場風雲》飾演的角色）揸車路過時間，成功救回于sir一命。
母子相認
郭政鴻和生母陳曼娜相認，為救兒子甄向榮，陳郭偷犯罪光碟，更不惜呃郭話自己有病。
小鬼升仙
至於扮小鬼小儀唔使再排隊投胎做人，反而升格做神仙，仲响天堂遇見死過o既翻生于sir郭晉安。
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6691726