[壹周刊945期]同你吟一吟 郭羡妮卅度著皮褛
壹周刊 第945期 2008-04-17
由於小儀望住曾華倩心口，搞到對方以為自己走光，捕風捉影之後，二人攬住笑餐死。
劇集反應理想，郭晉安話同郭羨妮、小儀合作得好開心，更希望自己神探角色可以超越傻仔旺。
喺劇中幾乎清一色著住呢件皮褸出現郭羨妮，因為連戲，卅度高溫都要著皮褸。
畢仔腳頭好，老豆郭晉安孭飛劇集《古靈精探》收視平均保持超過卅點以上，口碑反應俱佳。
上星期三（九日），劇中一班主角齊集將軍澳電視城錄影結局篇，當曾華倩同四呎九唔夠嘅阮小儀企埋一齊，由於對方視線集中喺佢心口，搞到乜都無露嘅曾華倩以為自己走光，下意識拉埋件外套住心口。
劇集會拍兩個結局，一個係神探安仔要死，一個係大團圓，由觀眾投票二擇一，當日錄影嘅係happy ending，一眾演員長袖厚衫連戲，至慘嘅係以皮褸示人嘅郭羨妮，好彩已經拍到ending，唔係嘅話，近卅度高溫皮褸上身，隨時侷病。
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6688426