[FACE047期]TVFans 郭晉安 唔使D.I.E.
FACE周刊 第47期 2008-04-15
郭晉安呢個伸通靈look，應該係繼「阿旺」之後另一個經典。
美人擋車
美人羅敏莊用美人計引開Bobby唔畀佢上車，不過Bobby最後都冇落搭。
小儀翻生
郭政鴻飾演正義，原本打算用血肉之軀擋住Bobby架車，好在女鬼小宜及時出現拖走佢，唔係分分鐘多隻鬼。
人逢喜事乜都爽，郭晉安最近榮升做爹，由佢擔大旗（子贝）住「鑊」妮的倉底搞笑偵探劇《古靈精探》亦收視險中求，最高收38點。
雖然成套劇笑住查案，但最初個結局竟然係悲劇收場，安仔飾演于sir在結局中會被車撞死，同郭羨妮飾演的madam刑結唔成婚，監製張乾文為免學04年《棟篤神探》黃子華結局橫死惹公憤，即時補拍一個新happyending。
《古靈精探》生死大結局 翡翠台4月18日晚上9時半
新happy ending最搞笑兼無厘頭係搵歐陽震華做番佢《賭場風雲》齊歡暢個角色，成班「特別兇案調查分部（D.I.E.）」手足勸掂佢唔車後，臨尾女鬼小宜仲加多句：「唔好講咁多，一齊做番個指定動作啦！」跟手大家一齊舉起V字手勢嗌「Yeah！」
新結局
隸屬警隊D.I.E.部門的于sir被車撞死後，女鬼小宜出現，施展法力時光倒流，並通知D.I.E.部門手足于會被車撞死，他們即合力阻止司機齊歡暢（歐陽震華飾）開車，又色誘又擋車都搞唔掂，最後反而係苦口婆心咁勸掂趕住送翻版碟齊歡暢，齊知道佢成班手足咁為于sir，受感動連貨都唔送，于sir即刻唔使死。
原裝結局
在原裝結局篇中，安仔成功同郭羨妮撻更準備結婚，可惜安仔行行街俾車撞死，剩低羡妮同個遺腹子。原來安仔臨死前同女鬼小宜通過靈會剋死羡妮，要解決唯一方法係一命換一命，安仔決定犧牲自己救羡妮，勁偉大，亦勁傷心。話晒安仔剛剛做老豆，咁樣橫死始終唔老黎，補拍前面happy ending，全世界安樂晒！
24集晶晶被捕
晶晶仇人甄向榮（李天翔飾）屋企被殺，嫌疑最大的晶晶因此俾子朗親手拘捕，好彩最後子朗成功搵出真兇，晶晶無罪釋放。
25集預備結婚
子朗唔認命同晶晶結婚，點知試完婚紗即刻出事。晶晶低胸婚紗呢幕算係成套戲最索一刻喇！
25集橫死街頭
晶晶同子朗行街時掛住捉賊，子朗緊張到冇為意有架旅行車衝緊埋身，結果被撞到飛起（右圖），應小宜之前話兩人勉強一齊會遇險呢個劫。
25集B女通靈
臨尾一幕講晶晶抱住同子朗生B女一齊拜子朗，B女一摸爹張相仲即刻笑到聲添！
正義認生母
《古靈精探》收得，除因為郭晉安擔到大旗，其實仲要多得一班綠葉夠搶。女鬼小宜、美人羅敏莊深受觀眾喜愛，尤其同曾華倩情侶檔、由郭政鴻飾演張正義更加係綠葉之王，由姑媽雪妮由細湊大佢結局篇認番親生阿媽，唔玩搞笑玩感人，簡直由頭搶到尾！
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6686900