忽然一周 第650期 2008-01-11

儀式開始前,無綫亞視楚河漢界,梁乃鵬(綠圈)已經(目及)實叛將,亞視營運總裁何定鈞(紅圈)。

「A貨陳志雲」盧海鵬踩過界,郭羨妮扮睇唔到,梁乃鵬就蹺埋雙手怒啤盧海鵬。

衰鬼,你扮得好似呀!(設計對白)
幾時嚟我飯局食餐飯?(設計對白)
大契冇有怕,直情成個頭擰向盧海鵬傾到雞啄唔斷。呢個「通番賣國罪」唔知成唔成立呢?
周日(1月6日),港島區百萬行喺政府大球場舉行開步禮。無綫、亞視分別派出強陣搶灘。
講人多勢眾,梗係無綫贏晒啦,不過講出位,就俾盧海鵬以《十六不搭喜趣來》嘅「A貨陳志雲」造型搶晒鏡。本來,唔少無綫藝員見到鵬哥,都上前寒暄幾句聚舊,但當鵬哥愈嚟愈出位,直情踩過無綫地盤時,當日負責為TVB帶隊嘅另一個鵬哥——無綫副行政主席梁乃鵬就開始黑面,各藝人醒水,立即當盧海鵬生人勿近。惟獨大契李司棋冇有怕,到影大合照時,仍然同鵬哥傾到雞啄唔斷。
咁又係,以大契今時今日嘅地位,又唔怕俾人放入雪櫃嘅。
你可以使用这个链接引用该篇文章 http://publishblog.blogchina.com/blog/tb.b?diaryID=6600301