[苹果日报20030529]港姐冠军美貌智慧并重? 郭羡妮小学包尾中学被飞
2003-05-29
年幼時的郭羨妮
年幼時的郭羨妮（左），十分可愛。
郭羨妮連騎馬也不怕，頗為大膽。
沒想過長得標致的郭羨妮，在感情上亦曾觸礁。
資料圖片
九九年港姐冠軍郭羨妮，事業愛情兩得意，但誰會想到小時候的她，竟是年年讀書包尾，幾乎要留班的人。而樣貌標致的她，亦曾被男友拋棄，令她日日以淚洗面，非常憔悴。
現年二十八歲的郭羨妮，於加拿大溫哥華著名的SimonFraser大學修讀心理學和工商管理，九九年參選港姐奪得冠軍，繼而被無力捧為當家花旦。近期她與溫兆倫蜜運，事業和愛情皆得意。
感丟臉即發憤
不過，郭羨妮在小學五年級之前，成績竟差到「貼地」，考試年年包尾。郭羨妮日前說：「陣成績真係好差，唔止考試包尾，重試過幾乎升唔到班！記得每年七月，我就好怕屋企電話響，因為分分鐘係學校要我補考。直至五年班陣，唔知個人係咪大個，我竟然為自己咁差成績而覺得好瘀，我好想叻畀人睇，所以開始好努力讀書。」
由大懶蟲變成勤奮學生，郭羨妮果然講得出做得到，她說：「嗰陣我有個心態，一係唔做，一做就要做到最好，自己畀壓力自己，結果就成功咗。」
失戀以淚洗臉
與溫兆倫蜜運中的郭羨妮表示，她的戀愛經驗不多，她說：「小學同中學我都係讀女校，嗰時我覺得拍拖好壞，直至有一年，我哋女校同男校一齊搞活動，我識咗個男仔，我哋雖然拍咗拖兩年幾，但相處時間計埋唔夠九十日。」
郭羨妮續說：「後來佢移民去美國，我就去咗加拿大，兩撻地方相隔唔算好遠，但佢都好少飛過嚟探我，電話亦都唔多，感情好似愈愈淡。冇幾耐佢終於同我講，識咗第二個女仔，嗰陣時我真係好傷心，日日喊，媽咪見到我咁，惟有陪我游水做運動，等我忘記晒唔開心事！」郭羨妮的初戀，就是這樣結束的了。
採訪：戴彩煥
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6568717