妮光羡影--关于郭羡妮的一切

[忽然一周623期]封面故事 温哥华独家追击 羡妮诉苦俾大宇害死

                                      

忽然一周 第623期 2007-07-06

我冇認過，佢講唔關我事。
6月27日決絕斬纜
郭一身運動服，不施脂粉，與昔日艷光四射的「索妮」兩個樣，加上她刻意戴上cap帽遮面，差點教人認不出她。

老竇解心結
郭羨妮的父親首次曝光，從側面看，兩人的輪廓十分相似。

郭父與郭母多年來聚少離多，今次郭返加散心，郭母竟沒有同行，反而留港幫愛女搵新屋。《壹本便利》圖片

買減價平鞋
在溫哥華長大的郭羨妮十分熟路，只見她在CoquitlamCentre的鞋店「ALDO」買鞋，試都不用試，只告訴店員尺碼便俾錢走人。

郭出名慳家，她當日購買的高鞋80元加幣（約港幣584元）。

郭與父親感情不俗，邊行邊談，其間郭父更多次拍拍愛女肩膊，似是安慰她。

網頁訴心聲
郭羨妮在fansclub網頁內多次留言表示清白，亦透露在加國生活愜意。陶大宇英文簡稱(TDY)

6月30日跑步散心
當日郭羨妮於清晨八點，車到屋企附近的公園跑步。身心俱疲的她，每跑兩分鐘便停下來一。但由始至終她都沒除下風褸，證明她身子虛弱。

郭羨妮跑步時，有多個鬼佬路人甲經過，但卻沒人認出她是大明星。

做完運動，郭羨妮往超市shopping，全揀選生果，連以往甚喜愛的薯片都忍手唔買。

買東西時，郭發現記者，怒啤一眼即匆匆離去，記者追車，她左兜右兜欲撇甩記者，但卻不成功。

郭落車後，匆匆跑入寓所，之後兩天再沒有外出。

郭羨妮住在加國老竇的寓所，整日落簾，郭亦甚少踏出家門。此兩層別墅位於Coquitlam區，面積約4千多呎，乃普通平房，價值約70萬加幣（約港幣5百萬）。

一向愛腳底按摩的郭羨妮，據知亦曾到烈治文區的沐足堂做全身按摩，店員表示：「郭羨妮個多月前過一次。」求證郭羨妮，她說：「係去過，不過太貴（兩小時按摩約港幣千元），冇再去！」

在香港消失了三個多月的郭羨妮，原來靜雞雞返回溫哥華住在老竇屋企。本刊搜刮了兩星期，終於在Coquitlam發現郭的蹤影。樣子憔悴的她，在記者面前誓神劈願力證自己無辜，並斬釘截鐵謂︰「我同佢冇可能。」

畫清界線
大宇一廂情願戀妮，但匿喺溫哥華避鋒頭的郭羨妮卻並不領情，更決絕畫清界線。6月27日黃昏，記者終在溫哥華Coquitlam的商場發現郭的蹤影。當時她不施脂粉，與一名年約六十多歲的男人逛街買鞋。記者趁她到停車場攞車時上前訪問她，她見到記者十分愕然，其身旁的男子更嚇到彈至老遠。郭先開口問：「點解你哋會嚟呢度？咁犀利嘅。唔好影我阿爸，佢唔鍾意曝光。」

記：溫哥華好多人識得你喎？
郭：係咩，我諗係，好多人叫我做Madam。
記：陶大宇話同你有發展可能。
郭：我冇認過，佢講嘅唔關我事。（十分激動）
記：其實由始至終你哋有冇……
郭：（打斷記者問題）冇！人哋嘅婚姻關我咩事啫！都唔知點解拖我落水，唉……
記：你哋唔會發展？
郭：我諗我唔會囉！
記：你唔會？
郭：係。
記：好決絕喎！
郭：係呀！
記：咁依家你哋咩關係？
郭：普通朋友。
記：有冇聯絡，大家關心吓？
郭：冇聯絡，點關心我呀？
記：點解放假咁耐？
郭：之前身體麻麻哋，瘦咗好多，過嚟呢邊o抖吓囉。
記：據聞你今次返嚟見過前度男友Jimmy（空中少爺）。
郭：冇，真係冇見過，有我唔怕認。
記：香港搬咗屋喎！
郭：媽咪投訴太遠，好唔方便，咪搬囉。
記：租嘅？
郭：係租嘅，我未有錢買樓，努力啲做嘢。
記：依家心情點？
郭：好好多，之前拍《古靈精探》好攰、好瘦，嗰時又病，橫掂都係o抖，不如返嚟呢邊o抖，依家肥咗5磅。

唔再諗拍拖

記：依家有冇諗感情？
郭：唔諗喇！唔諗喇！
記：會唔會再同圈中人拍拖？
郭：唔會喇！
記：《學警》收視麻麻，會唔會返港宣傳？
郭：唔知呀！我諗唔會喇，遲啲我喺多倫多有個function。
記：之前有傳你同溫兆倫合作拍內陸劇？
郭：我未收到呢個消息，未聽過。
記：放長假點消磨時間？
郭：幾好吖！去做吓瑜伽，同朋友食吓飯。唔講嘞，我要接老竇返屋企。

說罷便禮貌與記者道別，雖然郭指自己肥了，但記者當日所見，郭不但瘦了一碼，而且面容憔悴，看來今次捲入大宇離婚風波中，令她心力交瘁，休息了兩個多月都未回到氣。

郭羨妮友人透露：「Sonija（郭羨妮）同我呻過，話好大壓力，覺得自己好無辜，又話件事搞成咁，可能同大宇連朋友都冇得做。總之佢依家連電話都熄埋，話唔想啲無謂人再打嚟，依家都係用MSN同佢溝通。」

近三個多月，大宇忙於拍攝《和味濃情》，相反郭就匿埋唔見人。記者連日觀察，郭羨妮在溫哥華甚少外出，30日早上8時許，她獨個兒揸車到距離寓所十分鐘車程的公園跑步，之後便到超巿買生果，生活刻板，與五光十色的娛樂圈生活大大不同。乖乖在加國洗底的郭羨妮，據知與TVB還有兩年約，目前正逐漸獲無綫解凍，並於8月正式復工。

【作者: 与世隔绝】【访问统计:】【2007年11月16日 星期五 00:19】【注册】【打印】