妮光羡影--关于郭羡妮的一切

[FACE025期]TVFans 索妮交戏闯玉珠峰

                                      

2007-11-13 第25期 FACE周刊

跟住我個樣化死人妝一流！真實對白

台慶節目《勇闖玉珠峰》首播收視高達27點，「洗底三人組」郭羨妮、梁榮忠同崔建邦辛苦總算冇白費。

人人以為要爭寵兼打開拳的崔建邦體能最強，又以為谷底妮想爬上玉珠峰之巔反思，點知三人出發，最後只得39歲車震男梁榮忠成功登上海拔6,178米的玉珠峰頂，返香港即刻入寵宮。

攻頂失敗，郭羨妮鏡頭前又嘔又暈痛到死。足同情分，大家會唔會對索妮改觀呢？

缺氧插喉
未開始攻頂，郭羨妮已經要狂吸氧氣，睇佢插晒喉個樣，真係心痛！

狂嘔茄蛋
郭羨妮受高山症折磨，5,000呎高大本營已經食乜嘔乜，於是工作人員極速送佢返酒店。

搵得谷底twins搭個失寵崔建邦做主持，擺明係想畀機會佢向觀眾盡訴心中情，連總經理陳志雲都講明個節目係為佢度身訂做。幾辛苦都要死頂，郭羨妮就話：「真係好辛苦呀，上到山我塊面灰晒，跟住我個樣化死人妝一流呀！」

真情流露

頭兩集講佢去到青海遊山玩水兼做準備，之後就會入戲肉，講佢基地受訓同攻頂，期間崔建邦鏡頭前話：「我機會的確比人多。」入雪櫃？Noway！而成功攀上山頂梁榮忠則認晒叻，「我想做，一定做得到！」郭羨妮就去得最盡，喊晒口話用「洗底」形容佢係一種侮辱，激動到訪問都未做完就走去！表情十足絕對冇交行貨。

崔建邦去到山腳就放棄，而出發前信心十足郭羨妮，講到明唔使人幫都可以上到玉珠峰頂，可惜講就無敵，索妮上到海拔約5千米的大本營已經即刻有高山反應，頭痛胃痛不特止，仲足足嘔四次，連番茄蛋都嘔埋出，真係見到都戥佢辛苦。

節目原本只有四集，不過郭羨妮自爆有機會加多一集。要添食咁巴閉，梗係有好多精采片段未出街啦。

《勇闖玉珠峰》
翡翠台　逢星期日
晚上八時半播出

Day1-27/9
到達西寧留2日參觀當地名勝（海拔2,275米）
住宿：多巴國家高原基地
Day3-29/9
離開西寧，出發往青海湖（海拔3,200米）
住宿：流動旅遊車
Day4-30/9
到達格爾木休息（海拔2,800米）
住宿：4星級格爾木賓館
Day6-2/10
參觀崑崙山等名勝晚上乘車往大本營（海拔5,000米）
住宿：梁榮忠紮營過夜，索妮同崔建邦送返酒店。
Day7-3-6/10
梁榮忠於基地受訓及攻頂
索妮及崔建邦攻頂失敗
Day11-7-10/10
返回格爾木參觀當地名勝
住宿：4星級鹽湖大酒店
Day15-11/10
坐火車回西寧
住宿：火車硬
Day16
乘飛機返港

你都闖得玉珠峰！

今次《勇闖玉珠峰》行動，其實是由無线與中國攀山協會及香港攀山總會合辦。

這次活動除了賀台慶，仲為埋慶祝香港回歸十周年及迎接下年北京奧運，所以中國政府方面極度重視，並為攀山隊免費提供食宿。

無线有贊助唔使錢，但其實普羅市民要攀玉珠峰都唔難，只要買張去青海機票，再付約$4,500給青海登山協會，協會則會提供車輛及教練等，唔計食用同當地交通接送，淨計住宿同攻頂費，為期16日的旅程每人盛惠$8,000。

今次闖峰行動，洗底三人組沿途有教練同攀山隊員傍實，不過如果大家想攻山，除要錢之外，體能都好重要。

【作者: 与世隔绝】【访问统计:】【2007年11月13日 星期二 17:21】【注册】【打印】