[壹周刊914期]同你吟一吟 郭羡妮马德钟左闪右避
2007-09-13 壹周刊 第914期
郭羨妮mark實吳家樂擺甫士影相，馬德鐘企响旁邊，有得睇、無得跳。
輪到馬德鐘同周家蔚表演，郭羨妮即彈開九丈遠，慌死企埋些少都出事。
就快做第二任爸爸，吳家樂受歡迎到，連楊思琦都搵佢伴舞，可惜家樂爸爸抱完郭羨妮已經無晒力，要用手撐住幅牆。
無綫早前安排五男五女藝人，參加湖南電視台舉辦嘅《舞動奇跡》跳舞比賽，由於收視高踞全國第三名，有過億人士收睇，於是响星期一（九月十日），無綫舉行慰勞宴公布喜訊。
大部分參賽嘅藝人都有出席，包括過氣緋聞情人馬德鐘同郭羨妮。唔想俾記者影到相借題發揮，二人各據一方，馬德鐘不斷同記者澄清國內偷食緋聞，話女方其實係湖南《都市日報》編輯；而郭羨妮就黐實老友陳敏芝，攬到實影相好過俾人翻炒緋聞。
後來記者要求一男一女藝員擺跳舞甫士影相，郭羨妮第一時間mark實吳家樂，馬德鐘亦捉住周家蔚做伴，總之各自修行，免得過都唔想齊齊再入大雪櫃。
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6465842