〓妮光羡影¤关于郭羡妮的一切〓

[FACE001期]TV Fans 《学警出更》袁慧妮死得惨

                                      

FACE 第一期 2007-05-29

無线翡翠台　4/6起　逢星期一至五晚上9:30

翻啅激吻
劇中陶大宇同郭羨妮係離婚夫婦，但分開又掛住大家，終於忍唔住激咀……

令你重拾追劇衝動的《溏心風暴》做完，新劇《學警出更》係《學警雄心》續集，當然唔會有爭產，但就有爭仔，仲有郭羨妮。

《學警出更》繼續《雄心》故事，男主角仍然係吳卓羲同陳鍵鋒，兩個「學警」終於「出更」，做咗差人日夜行咇；《雄心》老戲骨苗僑偉死咗，《出更》就有另一老戲骨陶大宇壓場，大宇為做劇中的警長角色，要減8磅同勁曬太陽燈，即變精悍型男，且看搶唔搶得番「殺手」地位。

客串擋子彈

劇中高潮戲、世貿暴動示威，陶大宇等人使用的防暴盾牌等裝備都係由警方借出。

劇中郭羨妮先係大宇離婚太太，但就藕斷絲連不時「翻啅」，身為大宇下屬陳鍵鋒，卻突然介入戀上郭羨妮，陳鍵鋒話：「郭羨妮原本係我上司，點知後來我鍾意咗佢，不過最後我都冇發展到。」陳鍵鋒《雄心》女友薛凱琪今次純屬客串，為鍵鋒擋子彈身亡，點知郭羨妮最後都俾匪徒綁架而身亡，鍵鋒個角色……係天煞孤星？

上次《雄心》獲警務處借警校拍攝，今次都務求真實，劇中好多警察裝備都係有關方面借出，其中一場重頭戲，重演類似05年世貿示威暴動場面，警方特別借出防暴隊裝備予劇組使用，陳鍵鋒話拍得幾辛苦：「不過當時警方都有派人在場做顧問，所以都算順利。」另外鍵鋒話佢做PTU練習場，係真實石硤尾機動部隊行動基地，唔係求其搵個停車場拍 。

道別葬禮

郭羨妮最後俾綁匪殺咗，然後大宇、吳卓羲、容祖兒等人齊齊出席葬禮，大宇放上第一朵白玫瑰。
劇中郭羨妮落葬的地方，拍攝時有關方面唔肯借出浩園拍攝，只係跑馬地墳場拍呢場。

Fiona犧牲

上集女主角薛凱琪，客串幾集就俾歹徒挾持，仲為救陳鍵鋒擋子彈慘死。

上集陳鍵鋒爸爸苗僑偉身亡，今集陶大宇係苗僑偉老友，決定教新師兄陳鍵鋒成為好警察。上集陳鍵鋒爸爸苗僑偉身亡，今集陶大宇係苗僑偉老友，決定教新師兄陳鍵鋒成為好警察。

有新女友

上集明明講吳卓羲有女友楊怡，今集忽然話楊怡去外國，吳卓羲就鍾意同袍容祖兒，楊怡之後會客串幾集返爭吳卓羲。

今集仲有短髮出擊徐子珊，講佢暗戀表哥吳卓羲，學佢做差人。子珊角色超硬朗，仲係打架高手。

出更多戀事

鍾立文（吳卓羲）同李柏翹（陳鍵鋒）《學警雄心》畢業後，被調派往同一警署駐守，但自從女友（薛凱琪）為救柏翹殉職後，柏翹就被調往另一警署，遇上新上任警長張景峰（陶大宇），點知鍾意佢前妻……

【作者: 与世隔绝】【访问统计:】【2007年05月29日 星期二 22:45】【注册】【打印】