乐易玲在《头条日报》访问中提到Sonija部分
統領近百紅星 樂易玲：我絕對有偏心
2007-04-30
■樂小姐對郭羨妮可謂不離不棄，即使郭羨妮被指介入陶大宇的婚姻，她亦挺身而出，為對方解圍。
相信很多人都聽過「樂易玲」的大名，這位被喻為方逸華的左右手、TVB製作資源部副總監的女強人，在管理旗下近百藝人的四年間，能剛柔並濟，把藝員部管理得妥妥當當。把酒言歡期間，樂易玲（Vinginia）變得更加平易近人，說到鄭嘉穎的為人，她總是讚口不絕﹔說到藝人的感情瓜葛，她更投以百份百信任、出力聲援，誓要為這班仔女的清白，捍衛到底，在此，我衷心佩服她的能幹。
要說近期的熱爆新聞，非郭羨妮（Sonija）與陶大宇的緋聞莫屬，Vinginia坦言，孰真孰假，只有當事人才知曉，作為經理人，只能站在場邊細心觀察、分析，為他們排難解紛。
「真心講，緋聞係咪真﹖得佢兩個自己知，但站在演員立場來說，如果拍情戲唔投入，跟對手冇感情又點得呢﹖我冇問佢劇裏發生咩事，因為我覺得唔需要問，佢一定對對方有好感，唔係點做情侶﹖點會無端端有個接吻鏡頭﹖但你問我，我一定覺得佢冇，因為我知道郭羨妮早前拍《古靈精探》期間，病得好辛苦，出出入入醫院咁多次，只得我、佢阿媽同佩華（藝員發展科經理）陪佢，我從來冇見過有男性朋友打電話慰問佢，佢又瘦、面又青，情緒仲好低落，如果件事（緋聞）係真，點解唔見佢探病﹖站在他們立場，我覺得佢兩個依家真係冇。」
時間能治療傷口
作為專業演員，演戲當然要全情投入，這是無可厚非的事實，但演員同時要承受無止境的蜚短流長，壓力之大，實非旁人能道，就以陶大宇為例，今次事件，他本人、太太，甚至郭羨妮都是當中的受害者。
「我覺得就呢件事來說，佢三個都係受害者，你話Sonija形象差﹖那陶大宇同佢太太換來婚姻失敗喎，兩樣都好傷，你唔可以話，Sonija形象受損，就要我或者Sonija企出講傷害第三者說話，最好的解決方法是時間，讓大家傷口冇咁深先再去補救，話我放棄Sonija﹖佢Management約仲有幾年，我唔可以放棄我手上的藝人﹔我覺得Sonija實在太內向，又冇朋友，又唔鍾意出街，成日困住屋企，連狗都唔敢出街放，佢好驚睇到自己新聞，因為寫親都唔係好，呢係藝人悲哀，佢個個都好怕出街俾人影、俾人寫，唔似阿佘（佘詩曼）咁勇敢，話之你點寫。」
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6261014