[20061008]苦辣星媽唔易做 叻女Sonija发愤氹妈咪
霆鋒Rosemary激心又窩心（太阳报）
苦辣星媽唔易做
2006-10-08 
點解拉姑咁心痛？無非一個愛字！星媽代價何止跟出跟入，甚至連新抱茶都冇得飲！能陪子女嘗盡甜酸苦辣，母親既是甜在心，但兒女辣如謝霆鋒或Rosemary，為人母親都好棘手。
辣
既是己出哪有不愛？不過兒女性格難控，有時「辣」到連阿媽都駕馭不來！
野馬Rosemary話晒事
出道以來，Rosemary一直有Julie媽做護法，由當年與王力宏「羅生門苦戀」一役，愛女之情已盡在面上。但情來難自禁，近年Rosemary再三被拍得與男友當街激咀，對此Julie媽只表示「拍拖還拍拖，都要專心工作」。Rosemary雖曾寫了首《In My Dream》氹媽咪，可惜野馬難馴，最後更自己簽了經理人公司，不再受媽咪束縛。
不過Rosemary仍極力補鑊，用甜言蜜語安撫：「媽咪一直好照顧我，每次出親Trip都會喺我身邊！雖然曾經激嬲媽咪，但我哋會開心見誠咁傾，亦會諗番對方嘅好嘢，好快就和好如初！」
任性梁洛施遭雪藏
13歲入行的梁洛施（Isabella），當年獲英皇豪擲近百萬舉行記者會力捧，近年演技得國際肯定，氣勢如虹！可惜她少不更事，早前竟缺席工作而遭雪藏，最後更要出動媽咪約高層求情！
梁母曾被指於夜總會工作，逼女兒入行還債，不過愛女星途要緊，人言只好不理。Isabella曾表示：「我只想媽咪享福，畀一個安定居所佢，唔使再冇錢交租，被迫每年搬屋！」希望她會實踐承諾啦！
酸 
星媽憂心忡忡，最擔心的不是兒女是否當紅，而是被至親所傷，又酸又刻骨！
不羈霆鋒婚碎慈母心
霆鋒喜孜孜承認結婚當日，拉姑在電話留言中哽咽稱心痛兼一言難盡，及後又表示：「我做阿媽！冇做奶奶！」最後霆鋒公開一切，手拖着芝與父親及妹妹晚膳，又重提栢芝話用生命換取真愛，他都一一認同：「就算係，都係值得！」愛的宣言化作拉姑的心痛自白！
拉姑聽過不少玄學家批鋒芝戀對愛子不利，自然擔心，如今霆鋒更為免驚喜婚禮曝光而先斬後奏，你話個心幾酸呢！
濕身李蘊累至親受靶
年僅14歲的Cream成員李蘊，被誘拍濕身照登上雜誌封面，遭受各界抨擊，做母親的自然不好受：「令女兒受到不必要嘅壓力，我好自責！我應該好好照顧佢，點解我嘅危機意識咁低？連個女都保護唔到！」李蘊因為怕被人指指點點，就連上學也戴上口罩，不過令李太心酸的，還是女兒擔心自己：「最唔開心係媽咪畀人話『點女』！我覺得連累咗媽咪！」
甜 
所謂老來從子，星媽雖日日舟車勞頓，為兒女擋駕，不過可日夜陪伴在側，分享生命中的一切，也有窩心的時刻。
叻女Sonija發憤氹媽咪
自當選港姐以來，郭羨妮（Sonija）的緋聞不絕於耳，幸得郭母一直在旁默默支持，令Sonija十分感激：「阿媽照顧我嘅日常生活，除咗工作之外，幾乎所有事都由佢Handle。為咗報答媽咪，我一有時間就會同佢行街食飯，希望佢開開心心！」
郭母回想女兒的勤奮經歷，話中亦有甜味：「佢細個讀書好懶！默書成日唔合格，令我好激氣！好彩中五佢突然發憤，之後就愈嚟愈叻，令我好安慰！我最想佢過得開心啲，咁就足夠喇！」
自愛原子鏸母親最放心
原子鏸（Marsha）小時候生活於美國，不明白母親鄭佩佩是別人眼中的巨星。Marsha自99年當選港姐亞軍，到後來跟鄧健泓拍拖、分手、至近期宣傳《大丈夫2》……從沒不利緋聞，感情事亦處理得乾淨俐落，雖然星途未見起色，但從來毋須母親擔心，難怪佩佩姐十分放心：「我對個個仔女都一視同仁，會喺精神上同經濟上支持佢哋。我自己都有工作，好少時間同佢哋一齊，不過會用電話同電郵聯絡。」佩佩姐對「星媽」有一番獨特見解：「成日覺得自己係『星媽』會有壓力，我覺得自己係媽媽就得啦！」
苦 
表面的風光笑着品嘗，暗裏的苦痛就默默承受。天下最難的不是成就大事，而是處理繁瑣小事。
單純貝安琪心意畫中尋
劉香萍一手帶愛女貝安琪入行，不時帶她出席公開場合見世面：「個女係上天送畀我嘅禮物，我對佢冇乜特別期望，只希望佢可以健健康康、快快樂樂。」安琪亦不時氹媽咪：「我會將自己嘅心意畫出嚟，然後將幅畫送畀媽媽，令佢明白我！」
大懵李彩華玩轉神奇女俠
李彩華（Rain）年少入行，多年來星途不穩，幸得母親陪伴在側，處理私人事務，猶如神奇女俠一樣：「媽咪乜都幫我諗晒，我記得第一次見Paco驚到喊！好彩有媽咪喺度，幫我傾合約！我真係唔可以冇咗媽咪，否則連差餉、水費同電費都唔識交！」
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=5735009