[20060903]四大门派 防泄私隐 郭羡妮私相片欠奉
四大門派 防洩私隱(太阳报)
徐子珊封鎖機密妙用代號
2006-09-03
文： 專案小組
早前胡杏兒不見了電話，引起軒然大波！作為藝人，不但要出席各大小活動，還要拍外景、行騷和換衫等，手機很難常常跟身，為防私隱外洩兼連累其他藝人，徐子珊、傅穎、吳卓羲和郭羨妮等緋聞人物，已經分成各大門派，以妙法自保，防止手機資料外洩！
密碼黨
科技進步，好多手機保密功能已經好好，爭在唔會好似車防盜咁，畀人偷會BeeBee響。最普遍都用密碼鎖，不過奉勸大家要記得密碼先好用。
鄧穎芝 設開機密碼
「密碼就最好用，一開機就要用密碼先到掣，咁人就偷睇唔到。不過我就好懵，改密碼都唔記得，試幾次都唔得，部機就會Lock，搞到要拎去畀修理師傅整，幾百蚊開鎖。我唔見電話就真係好對唔住我藝人朋友，因為我全部用中文全名，驚自己改唔記得！」
徐子珊 好友用代號
「其實手機有好多功能我都會用，包括密碼鎖，因為我一向記性好，熟朋友都會用代號，家人同重要電話就一定唔會Set手機入面。平時我拍外景，就會將手機交畀服裝同埋工作人員好好保管。」
忘記密碼資料全失
據專營手提電話及維修的店舖負責人彭小姐表示，如果不想被人盜取電話內的資料，最有效方法是設定多重密碼鎖：「要保障資料梗係Set晒密碼啦！好似開機密碼鎖、鎖機密碼同SIM卡鎖，總之要用部電話就要入密碼！其實依家大部分電話都有呢種功能，只要Set呢幾種密碼，即使唔見或者被人偷，冇密碼都唔可以睇到電話入面資料，就算拎去開鎖都冇用，師傅都冇辦法睇到入面，最多重新裝過軟件，用番部機，但入面就會全部冇晒。」
有手提電話維修員表示，若客戶忘記密碼而將手機拿回原廠修理，他們亦無法替其開鎖，只能重新裝上軟件，手機內的資料會消失。
存底派
有好多人收到情慾短訊、生日賀言的SMS，都會唔捨得Delete，方便搭車無聊時，開出睇開心。不過一唔見，就咩開心都冇晒，都係保險留番個Record落電腦。
傅穎 SMS存入電腦
「我係大懵到成日唔記得帶電話人，所以出街就要掛條頸度，做就畀公司同事袋住。我部電話冇咩可以外洩，因為我將同事、藝人都改晒名，例如Miki叫做小B，影相同埋好有意思SMS又會用藍芽傳晒落電腦度留底。」
郭羨妮會將所有重要電話號碼傳入電腦貯存。
郭羨妮 私相片欠奉
「我一向都唔會擺人相片手機度，所有重要同埋電話都會用Pocket PC記低，再傳入電腦，咁咪萬無一失囉！」
改名系
藝人唔見電話又點會為幾千蚊唔開心呢？其實係除了怕私隱外洩，最怕係煩到其他藝人朋友，畀人整蠱就慘啦！
吳卓羲 冇影親密照
「我唔會用真名記低其他Artist電話，只會用代號，所以唔見手機都唔會有太大問題。其實我幾個月前先唔見電話，好彩我從來唔鍾意用手機影相，所以唔會有親密照度。」
Krusty：SMS最珍貴
Jan：「我將朋友改晒名，好似謝安琪叫安肥，細佬Steven叫屎忽痕，而且唔用相片來電功能，咁人偷，我朋友打就唔會畀人知。我部電話最珍貴就係SMS，好似生日、上年頒獎禮SMS，都係好好回憶。」
嵐：「我唔見過兩次電話，有部仲係限量版，有我簽名背面。我除改名，好似郭芯其叫S（冇人估到），仲有就係用懷舊電話，咁就實冇人睇中喇！」
高鈞賢 短片怕人睇
「手機面相片就好少，不過都有短片係等埋位時玩玩拍，畀人睇到就唔好喇！我都會幫其他藝人朋友改名。好似Rocky咁，我識得幾個Rocky，所以香港先生個Rocky就改佢個名做Muscle！」
黐身組
手機身外物，不過都唔好離身邊太遠，就算做緊都要左「攝」右「攝」，收埋個身度，話晒手機唔係狗，唔識認人嘛！
黃泆潼 機不離身
「我個電話一定要跟身，所以我會揀一好薄身機款，等我可以周圍『攝』。有時要拍古裝，我都會『攝』腰帶度，如果泳衣就真係唔知『攝』去邊喇！就叫工作人員幫手Keep住。如果唔見電話令到朋友畀人玩，我會好唔安樂。」
利嘉兒 肉麻短訊
「我冇用密碼，電話資料又冇留底，唔見就弊，惟有盡量跟身，用掛頸電話繩，工作時叫工作人員拎住，希望可以出靚配飾或腰鏈吊住個電話。如果我唔見電話，藝人朋友就慘，因為我用番佢個名，最怕就係SMS畀人睇到，因為有時同朋友玩，都會Send肉麻，好似：『I luv u Baby，今晚去邊度食飯。』如果畀人睇到，會以為我變態，Send埋情慾短訊。」
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=5650742