妮光羡影--关于郭羡妮的一切

记者再三要求，郭羡妮同马浚伟半推半就拜神当日破例合照。

话说N年前，马浚伟爆响口话锺意郭羡妮，点知俾郭羡妮公开数臭，有传马浚伟为报复，向高层曾励珍笃背脊，搞到郭羡妮新剧被飞。

故仔讲完，料神线人最近就收到以上两个死对头新剧《汇通天下》入面，又再有新一轮骂战。

线人同料神讲，话监制为免麻烦，晨早安排佢唔系一对，不过近排两个日日有对手戏，结果都系出事。

事缘其中一场戏讲佢两个再加杨怡做对手戏，三个人对稿阵，郭羡妮唔记得其中一句对白，隔篱马浚伟实时呻一句：「唔系嘛！望住都睇漏！」，郭羡妮一听，实时火起谷到眼红红，仲回敬一句：「我只眼大嘛，唔似得人只眼咁细，睇咁集中！」旁边工作人员见势色唔好，实时叫佢休息下。

计料神话，两个人都唔细啦，仲斗，都唔化！

新剧原先安排陈豪配郭羡妮、马浚伟配杨怡,不过郭、马朝见口晚见面,唔做情侣一样出事。